Pantun Madura

23973 views
Pantun Madura,3.45 / 5 ( 11voting )

Maduracorner.com.Bangkalan –

166004_314138742003524_420211417_n

Ka pasar mellé ko’ kerréng
Ékakana ekajhuko’a
Lamon lébât é romana oréng
Kodhu ngoca’ pangapora

bâḍâ oḍâng nongko’ ka labâng
bâḍâ olar ngakan pejji
pabhâjheng dhika nyaré obâng
lamon kellar ongghâ hajji

pak mudhin nyaré jhâmo
Ḍâri Mekkasan ka Juanda
Jhâ’ bong-masombong anḍi’ élmo
Ésoro nyaré céeék teppa’ ka janḍa

Oréng raddhin bânnya’ sé anḍi’
Sossana dhâddhi réng jhubâ’
Ta’ nyaman mon bânni olléna dhibi’
kaḍung stres ngakan dhâbâ’

Mellé kalambhi bânnya’ mérana
Ḍuh ma’ élémpet séréddhâ
Patako’ bâ’na ḍâ’ pangérannn
Ma’ lé salamet dhunnya aheraddhâ

Jhâ’ melléyan jhuko’ bâis
Jhuko’ bâis bânnya’ tolangnga
Jhâ’ aknaca’an oréng bhengngis
Amé’ écapo’ cakar mowana

Jhâ’ mogherrân bhungkana gheḍḍhâng
Kan gheḍḍhâng bânnya’ ghettana
Jhâ’ néserran ka oréng gânṭeng
Réng gânṭeng bânnya’ binéna

Ajhâr élmo dhunnya
Ka’ḍinto sangona oḍi’
Dhineng élmo aghâma
Ménangka sangona paghi’

Ka Pamaro nyaré poter
Sé kobâjhâr buru manjheng
Mon terro dhâddhi réng pénter
Kodhu ajhâr pabhâjheng

Sé ro’om bâuna nangka
Sé nyaman ma’ ro’om dhurin
Sapa né’ nyamana dhika
Ajhâlân meltas manjhâlin

Kana’ rowa ajhuwâl korran
Pas tatemmo bân réng ajhâmo
Bâ’na kabbhi ta’ ollé apacaran
Lebbi bhâghus nyaré élmo

Subaidi éntar kon obâ’
É tengnga jhâlân pas mu-nemmu
Oréng oḍi’ jhâ’ alako jhubâ’
Lebbi bhagus nyaré élmo

Nyaré bhântal ka komara
Panyabâ’na ta’ étemmo
Mon bâ’na terro péterra
Pabhâjheng nyaré élmo

Sapa rowa anḍi’ tarnya’
Mano’ poter bulu poténa
Sapa rowa anḍi’ ana’
Sala pénter bhâghus aténa

Nyaré kosambhi ka las-alas
Sé bâḍâ coma no’ poter
Mon ajhâr jhâ’ las-malas
Ma’ lé bâ’na lekkas pénter

Ka Rangpénang mellé nangka
Ka terminal terros ka jhâba
Rassa posang kennal bân dhika
Ghi’ bhuru kennal ékaghila

Email Autoresponder indonesia