Teppa’ tanggal 31 Oktobèr 1269 Masèhi, arè Kemmès Kalèbun. By : Tadjul Arifien R
Maduracorner.com.Bangkalan – Saamponna Arya Bânyak Widè malebbet dhâ’ mandhâpa agung karaton Bâtopotè pas ngadeg kalabân sodeg ngadep dhâ’ dhâmpar sè èsadiyâ’agi. Papatè tor para Mantrè, Tamenggung, Ajeg Palekkat, Ajeg Kabâjân, Demmang, Tomèddi, Lora disa padhâ nyaksènè. Pas sala sèttong Mantrè sè dhâri karajâ’ân Agung Singhasari maos sorat parènta sè èserrat nèng è ripta otabâ bâlârâggâ tarèbung, sè amonyè :
KAKANCÈNGAN
Ètèba’agi dhâ’ Bânyak Widè, kaangguy ngastanè Adhipati, jumènnèng gun Songennep : Sègeg toju’na parènta ”ÈKANAWA BUMI RAT” wulan karttika (kapat), tanggal lèma’ paro tengnga (pancami suklapaksa), waya (triwara), kaliwuan (pancawara), wrhspati (kemmis, saptawara) Langkir, bintang Uttarasadha, Wismadèwata, Gandayoga, jam Wairayya, Barunaparwwèsa, Walawakarana, rasi Mrcchika. Kalabân abakta pakon, dhâri SRI MAHARAJA DIRAJA KRETANAGARA Rato Agung Singhasari, sè ètèba’agi dhâ’ babatangan buyut disa Nangka, Kèn Demung Bânyak Widè, kaangguy ngastane Adhipati, jumenneng gun Songennep, kalabân ajuluk : SANG ADHIPATI ADHIKARA ARYA WIRARAJA — Malar moga, sè Maha Agung Sanghyang Jagatnata, aparènga kabellasan bân pangaobân dhâ’ ka bumi bân magârsarèna.
Kalabân bâdhâna kakancèngan dhâri Rato Agung Prabu Kertanagârâ, teppa’ tanggal 31 Oktobèr 1269 Masèhi, arè Kemmès Kalèbun segeg sodeg dâddi Adhipati sè ajumenneng è Songennep tor ngobasanè Madurâ ènalèkana jârèya salèrana Adhipati gi’ buru ajuswâ pa’ polo tello’ taon.
Sumber : Fb Tadjul Arifien R