Maduracorner.com.Bangkalan –
Iyâ ghârowa kakowadhân bân kakettèran
Pagghun panyalamet bân racon ḍâ’ sakabbhinna atè
Sèttong dhrisdhisân aèng mata ḍâ’ ka dhika mènangka motèyara
Makko rèng laèn ngangghep aèng mata biyasa.
Bhâ’ ghi’ ènga’a, è nalèka dhika maḍumpa aèng mata è ḍâḍâ bulâ
Mabâccaè bân narabhâs ka longkang atè sè nèspa
Bhâ’ ghi’ ènga’a, è nalèka dhika nalpè’è pèpè bân marèpat
Saèngghâ aèng mata tarèsna tacampo
Tao jhâ’ sakejjhâ’ agghi’ aèng mata tarèsna bhâkal tapèsaa
Makko tapèsa, aèng mata tarèsna ghârowa pagghun adhrisdhis salanjhângnga
Marghâ sakabbhinna iyâ arèya tarèsna sè èsto
Tarkaḍhâng manossa ngangennè, jhâ’ sèttong kadhâddhiân bisa abâli polè
Bhâ’ bisaa aèng mata tarèsna tacampo polè
Amarghâ rassa ghârowa ghi’ bâḍâ.
(Terjemah)
Adalah kekuatan dan ketakutan
Tetap penyelamat dan racun untuk semua hati
Setetes air mata untukmu adalah mutiara
meski orang lain menganggap air mata biasa
Masih ingatkah, saat kau tumpahkan air matamu didadaku
Membasahi dan menembus relung hati yang nestapa
Masih ingatkah, saat kau tempelkan pipi dan mata
Sehingga air mata cinta menyatu
Tahu bahwa sebentar lagi air mata cinta akan berpisah
Meski berpisah, air mata cinta itu tetap menetes selamanya
karena semuanya adalah cinta sejati
Kadangkala manusia mengimpikan sesuatu yang pernah terjadi akan terulang kembali
Masihkah air mata cinta akan menyatu lagi
Karena rasa itu masih ada
